Մադրիդի «Ռեալի» հոլանդացի հարձակվող Ռուդ վան Նիստելռոյը տեղափոխվեց գերմանական «Համբուրգ»: 33-ամյա հարձակվողը պայմանագիր է կնքել իր նոր ակումբի հետ մինչև 2011 թվականի հունիսը: «Համբուրգում» Նիստելռոյը կկրի 22 համարի մարզաշապիկը: «Ես շատ ուրախ եմ, որ ամեն ինչ հաջող ստացվեց: Անհամբերությամբ սպասում եմ երկուշաբթի օրվան, երբ կմեկնեմ Համբուրգ: Ես շատ հաճելի զրույց եմ ունեցել թիմի գլխավոր մարզիչ Բրունո Լաբադիայի հետ: Նա ինձ վրա լավ տպավորություն թողեց: «Համբուրգը» հիանալի թիմ է, որն ունի մեծ ամբիցիաներ: Ես նույնպես մեծ ամբիցիաներ ունեմ»,- հոլանդացի ֆուտբոլիստի խոսքերը մեջբերում է «Համբուրգի» պաշտոնական կայքը: «Ռուդը ցուցադրել է, թե ինչիի է ընդունակ` հանդես գալով լավագույն ակումբներում: Վստահ եմ, որ նա քիչ գոլեր չի խփի նաև «Համբուրգում»,- հայտարարել է գերմանական թիմի գլխավոր մարզիչ Բրունո Լաբադիան: