Сайт про Европейский футбол и не только

"Ինտերին" կարող են զրկել սկուդետոյից

desperado — Sat, 03 Apr 2010 09:05:10 GMT

Միլանի «Ինտերը» հնարավոր է զրկվի 2006 թվականի Իտալիայի չեմպիոնի կոչումից։ Պատճառն այն է, որ այս թիմի նախկին հարձակվող Քրիստաին Վիերին դատական հայց է ներկայացրել Միլանի դատարան՝ պնդելով, որ «Ինտերի» ղեկավարությունը 2005/2006 թ. մրցաշրջանում իր դեմ գաղտնի գործունեություն է ծավալել։ Ըստ Վիերիի, «Ինտերի» աշխատակիցները, գաղտնալսել են իր հեռախոսազանգերը, ինչպես նաև լրտեսների օգնությամբ փորձել են տեղեկանալ, թե ինչով է զբաղված ֆուտբոլիստը խաղադաշտից դուրս։
Վիերին արդեն դիմել է քաղաքացիական դատարան՝ իտալական բջջային օպերատորներից մեկից պահանջելով 9.25 միլիոն եվրոյի չափով փոխհատուցում։
Բացի այդ, «Ինտերի» նախկին հարձակվողը բողոք է ներկայացրել Իտալիայի ֆուտբոլի ֆեդերացիայի կարգապահական կոմիտե, նշելով որ սպորտային օրենսդրության համաձայն ակումբը խախտել է կնքված պայմանագրի 18-րդ կետը։
Եթե Վիերիի հայցը բավարարվի, ապա «Ինտերն», ըստ ամենայնի, կզրկվի 2006 թվականի չեմպիոնական տիտղոսից։ Այդ դեպքում 2006 թվականի Իտալիայի չեմպիոն կճանաչվի այդ առաջնությունում երկրորդ հորիզոնականը զբաղեցրած «Ռոման»։
Նշենք նաև, որ Վիերին պահանջում է նաև պատժամիջոց կիրառել «Ինտերի» նախագահ Մասիմո Մորատիի և փոխնախագահ Ռինալդո Գելֆիի նկատմամբ, տեղեկացնում է «Football Italia» պարբերականը։

Հաղթել` վատ խաղալով

desperado — Sat, 03 Apr 2010 09:00:58 GMT

Մադրիդի «Ռեալի» ու Պորտուգալիայի հավաքականի հարձակվող Կրիշտիանու Ռոնալդուն խոսել է «Բարսելոնայի» հետ հանդիպման մասին, ինչպես նաև նշել, որ նա ցանկանում է ավարտել կարիերան մադրիդյան ակումբում։
«9 խաղ է մնացել, և մենք պետք է մտածենք, որ դրանցից յուրաքանչյուրը վերջինն է։ Պետք է հաղթենք բոլոր խաղերում։ Չեմպիոնության կոչումը կարող է որոշվել «Կլասիկոյում», և ես համոզված եմ մեր ուժերին։
«Ռեալը» «Կամպ Նոույում» իր լավագույն խաղերից մեկը անցկացրեց այս մրցաշրջանում, բայց մենք պարտվեցինք։ Այս անգամ ես կնախընտրեմ վատ խաղալ ու հաղթել «Բեռնաբեույում»։
Հուսամ, որ մադրիդյան ակումբը վերջինը կդառնա իմ կարիերայում։ Ես ամբողջ ուժերս եմ ներդնելու ու կապացուցեմ, որ ինձ համար վճարել են այն գումարը, որին ես արժանի եմ։
Կարծում եմ, Աշխարհի առաջնության 1/8 եզրափակիչում մենք կտեսնենք Իսպանիա - Պորտուգալիա հանդիպումը։ Դա մեծ պատիվ է ինձ համար, որովհետև ես հարգում եմ իսպանացիներին։ Նրանք հանդիսանում են մրցաշարի ֆավորիտներից մեկը», - Ռոնալդուի խոսքերը մեջբերում է արքայական ակումբի պաշտոնական կայքը։

Տրեզեգեն "Լիոնում"

desperado — Fri, 02 Apr 2010 18:14:50 GMT

«Յուվենտուսի» ֆրանսիացի հարձակվող Դավիդ Տրեզեգեյի գործակալ Անտոնիո Կալյենդոն հայտարարել է, որ այս մրցաշրջանի ավարտից հետո 32-ամյա հարձակվողը կլքի թուրինյան ակումբը, որի կազմում հանդես է գալիս արդեն 9 տարի։ Ամենայն հավանականությամբ, Տրեզեգոլը կշարունակի կարիերան «Լիոնում»։
«Ես գիտեմ, որ Դավիդին միշտ դուր է եկել «Լիոնը»։ Ամեն ինչ հնարավոր է, բայց, ամենայն հավանականությամբ, այս մրցաշրջանում Տրեզեգեի՝ «Յուվենտուսը» լքելու հնարավորությունները ավելի շատ են, քան նախորդում», - Կալյենդոյի խոսքերը մեջբերում է Football Italia-ն։

Ֆաբրեգասը կարող է չգնալ ՀԱՀ

desperado — Fri, 02 Apr 2010 18:08:43 GMT

Լոնդոնի «Արսենալի» ավագ Սեսկ Ֆաբրեգասը դուրս է մնացել մինչև մրցաշրջանի ավարտը։ Մարտի 31-ին նա վնասվածք ստացավ «Բարսելոնայի» հետ Չեմպիոնների Լիգայի քառորդ եզրափակիչ առաջին խաղում (2։2)։
Հանդիպման ավարտից հետո լրագրողները խնդրեցին իսպանացի ֆուտբոլիստին մեկնաբանել իր տեղի ունեցածը. «Ամեն ինչ պարզ կդառնա ապրիլի մեկին բուժզննումից հետո։ Հուսամ, ես դեռ կկարողանամ օգնել իմ թիմին այս մրցաշրջանում», - ֆուտբոլիստի խոսքերը մեջբերում է gazeta.ru-ն։
Ինչպես հայտնում է The Times-ը, բուժզննման արդյունքում Ֆաբրեգասի մոտ հայտնաբերել են ձախ ոտքի փոքր ոլոքային ոսկորում ճեղքվածք։ Այս փաստը նաև հարցականի տակ է դնում Ֆաբրեգասի մասնակցությունը Աշխարհի առաջնությանը։

Եվրոպայի Լիգա

desperado — Fri, 02 Apr 2010 05:17:49 GMT

Երեկ տեղի ունեցան Եվրոպայի Լիգայի քառորդ եզրափակիչ փուլի առաջին հանդիպումները։ Բոլոր 4 խաղերում գրանցված արդյունքները թույլ չեն տալիս ակնհայտ ֆավորիտներ առանձնացնել և ոչ մի զույգում։
Պորտուգալական «Բենֆիկան» սեփական հարկի տակ 2։1 հաշվով առավելության հասավ «Լիվերպուլի» նկատմամբ՝ շնորհիվ պարագվայցի Օսկար Կարդոսոյի իրացրած երկու 11 մետրանոցների։
Նույն հաշիվները գրանցվեցին Համբուրգ - Ստանդարդ և Ֆուլհեմ - Վոլֆսբուրգ խաղերում։
Ամենահետաքրքիրը, թերևս, «Վալենսիայի» ու «Ատլետիկոյի» դիմակայությունն էր. իսպանական դերբիում գրանցվեց մարտական ոչ-ոքի, որը ավելի շատ ձեռնտու է մադրիդյան ակումբին, որը երկրորդ խաղը կանցկացնի սեփական հարկի տակ։

Եվրոպայի Լիգա

1/4 եզրափակիչ

Առաջին խաղեր

Բենֆիկա - Լիվերպուլ 2:1 (0:1)
Գոլեր՝ 0:1 - Ագգեր (9), 1:1 - Կարդոսո (59, 11 մետ.), 2:1 - Կարդոսո (79, 11 մետ.)

Համբուրգ - Ստանդարտ 2:1 (2:1)
Գոլեր՝ 0:1 - Մբոկանի (31), 1:1 - Մ. Պետրիչ (42, 11 մետ.), 2:1 - վան Նիստելռոյ (45).

Վալենսիա - Ատլետիկո 2:2 (0:0)
Գոլեր՝ 0:1 - Ֆոռլան (59), 1:1 - Մ. Ֆեռնանդեշ (67), 1:2 - Լոպես (72), 2:2 - Վիլյա (82)

Ֆուլհեմ - Վոլֆսբուրգ - 2:1 (0:0)
Գոլեր՝ 1:0 - Զամորա (60), 2:0 - Դ. Դաֆֆ (63), 2:1 - Մադլունգ (89)

Մնացին առանց Ռունի

desperado — Thu, 01 Apr 2010 07:08:27 GMT

«Մանչեսթեր Յունայթեդի» հարձակվող Ուեյն Ռունին, ով վնասվածք է ստացել Չեմպիոնների Լիգայի քառորդ եզրափակիչի «Բավարիայի» հետ խաղում, ստիպված կլինի բաց թողնել 2-ից 4 շաբաթ՝ ոտնաթաթի կապանները ձգելու արդյունքում, հայտնում է Sky Sports-ը։
Սպասվում է, որ ֆուտբոլիստը բաց կթողնի «Բավարիայի» հետ պատասխան հանդիպումը, ինչպես նաև Անգլիայի առաջնության «Չելսիի», «Մանչեսթեր Սիթիի» ու «Տոտենհեմի» հետ հանդիպումները։
Հիշեցնենք, որ Ռունին մյունխենցիների հետ հանդիպման վերջնամասում ոլորել էր ոտքը ու լքել խաղադաշտը բժիշկների օգնությամբ։

Դեռ հույսեր ունեն

desperado — Thu, 01 Apr 2010 07:01:45 GMT

Մոսկվայի ԲԿՄԱ-ի գլխավոր մարիչ Լեոնիդ Սլուցկին «Ինտերից» 0։1 հաշվով կրած պարտությունից հետո ասել է հետևյալը.
«Մեր խաղը առջևի գծում չստացվեց։ Մենք գիտեինք, որ «Ինտերի» մոտ ազատ գոտիներ են լինելու պաշտպանությունում, բայց մենք չկարողացանք օգտագործել դրանք։ Շատ էին կորուստները, որի պատճառով միլանցիները լուրջ ճնշում էին գործադրում պաշտպանության վրա, որն ընդհանուր առմամբ լավ խաղաց։
Բայց 90 րոպեների ընթացքում շատ դժվար է պահպանել ուշադրության ցանկալի մակարդակը։ Հաշիվը մեզ կիսաեզրափակիչ դուրս գալու հնարավորություններ է թողնում։ Մոսկվայում մենք կձգտենք ավելի որակյալ ու դիտարժան ֆուտբոլ խաղալ։ Աշխատելու ենք հաջողության հասնել 2 հանդիպումների արդյունքում»։
Սլուցկի նաև նշել է, որ «Ինտերի» ու Չեմպիոնների լիգայում ԲԿՄԱ-ի նախորդ մրցակիցները երբեք չեն թերագնահատել իր սաներին։

"Ինտերի" մինիմալ հաղթանակը

desperado — Thu, 01 Apr 2010 06:58:10 GMT

Ընդհանուր առմամբ, Չեմպիոնների Լիգայի քառորդ եզրափակիչի բոլոր հանդիպումներն էլ անցան գոլառատ պայքարում, բացառությամբ, "Ինտեր" - "ԲԿՄԱ" հանդիպմանը։
Այստեղ տանտերերը միայն նվազագույն հաշվով կարողացան հաղթանակ տոնել բանակայինների նկատմամբ, իսկ հանդիպման միակ գոլի հեղինակ Դիեգո Միլիտոն կարողացավ հաջողության հասնել միայն 65-րդ րոպեին։
Առաջին կեսում Պանդև - Էտո՛Օ - Միլիտո հարձակման եռյակը համառորեն ուղիներ էր փնտրում դեպի Ակինֆեևի դարպասը, սակայն արդյունքի հասնել առաջին 45 րոպեների ընթացքում նրանց այդպես էլ չհաջողվեց։
Ինչպես հանդիպումից հետո նշեց ԲԿՄԱ-ի գլխավոր մարզիչ Լեոնիդ Սլուցկին՝ «ռուսական Մուրինյոն», իր թիմը նման խաղով կարող էր հուսալ միայն 0։0 արդյունք պահպանել։ Սակայն դա ռուսներին չհաջողվեց։

Չեմպիոնների Լիգա. 1/4 եզրափակիչ

Առաջին հանդիպում

Ինտեր - ԲԿՄԱ - 1:0 (0:0)
Գոլ՝ 1:0 - Միլիտո (65)։

ԻՆՏԵՐ՝ Ժուլիո Սեզար, Մայկոն, Սամուել, Մատերացի, Ձանետտի, Կամբիասսո, Սնեյդեր, Ստանկովիչ, Էտո′О, Պանդև (Մարիգա, 90), Միլիտո։

ԲԿՄԱ՝ Ակինֆեև, Վ. Բերեզուցկի, Իգնաշևիչ, Ա. Բերեզուցկի, Շեննիկով, Ալդոնին (Ռախիմիչ, 75), Շեմբերաս, Կրասիչ, Հոնդա (Ձագոև, 69), Պ. Մամաև (Գոնսալես, 73), Նեցիդ։

Զգուշացումներ՝ Մատերացցի (12), Կրասիչ (32), Ալդոնին (37)։

Տեո Ուոլքոթի ջանքերով

desperado — Thu, 01 Apr 2010 06:53:10 GMT

«Արսենալի» հետ արտագնա խաղի առաջին կեսում «Բարսելոնայի» ֆուտբոլիստները առնվազն 10 անգամ կարող էին գրավել Ալմունիայի դարպասը։ 10 անգամ առնվազն գնդակը պարզապես պարտավոր էր հայտնվել լոնդոնցիների դարպասում, իսկ գնդակին տիրելու տոկոսային հարաբերությունը 30-ը 70-ի էր՝ հօգուտ հյուրերի։
Սակայն ամեն անգամ ինչ-որ բան խանգարում էր դրան։ Ամեն ինչ «Արսենալի» համար ավելի վատթարացավ այն բանից հետո, երբ սկզբում Անդրեյ Արշավինն, իսկ հետո էլ Ուիլյամ Գալասը արդեն առաջին 45 րոպեների ընթացքում փոխարինվեցին վնասվածքների պատճառով։
Եվ ահա, երկրորդ կեսի սկզբնամասում Զլատան Իբրահիմովիչը մի այնպիսի դիրքից գրավեց «Արսենալի» դարպասը, որ՝ չգրավելու դեպքում, ոչ ոք չէր մեղադրի վերջինիս գոլային պահը չօգտագործելու համար։ Բոլորն են, երևի, հիշում են, որ գոլ խփելը ընդհանրապես շատ ծանր էր տրվում Զլատանին վերջին ժամանակներս։
Իհարկե, այս պարագայում, գոլը էլ ավելի գեղեցիկ ու արժեքավոր դարձավ. Իբրան գնդակը նուրբ հարվածով կախեց Ալմունիայի գլխավերևով ու բացեց հաշիվը։ Դա տեղի ունեցավ 2-րդ կեսի հենց առաջին րոպեին, և թվում էր, թե «Արսենալի» հույսը մարել է։ Իսկ Զլատան Իբրահիմովիչն արդեն բռնել էր խաղի ռիթմը. 59-րդ րոպեին նա կրկնապատկեց հաշիվը՝ մոտ տարածությունից «անխիղճ» հարվածով ռմբահարելով Ալմունիային՝ 0։2։
10 րոպե անց Տեո Ուոլկոտը կարողացավ կրճատել հաշվի տարբերությունը և նոր շունչ հաղորդել տանտերերի գործողություններին։ Հանդիպման 85-րդ րոպեին Կառլես Պույոլը սեփական տուգանային հրապարակում խախտեց կանոնները Սեսկ Ֆաբրեգասի նկատմամբ, որի արդյունքում տուժածը վստահորեն իրացրեց 11 մետրանոց հարվածը, իսկ «դահիճը» հեռացվեց խաղադաշտից։
Ամեն դեպքում, նույնիսկ վերջին րոպեներին բաց թողած երկու այս գնդակները չեն ստիպում մտածել, թե «Արսենալը» լուրջ հնարավորություններ ունի կիսաեզրափակիչի ուղեգիր նվաճելու. պատասխան խաղը կայանալու է «Կամպ Նոույում», որտեղ «Բարսան» ոչնչացնում է իր մրցակիցներին առանձնակի դաժանությամբ։

Արսենալ - Բարսելոնա - 2:2 (0։0)
Գոլեր 0:1 - Իբրահիմովիչ (46), 0:2 - Իբրահիմովիչ (59), 1:2 - Ուոլկոտ (69), 2:2 -Ֆաբրեգաս (85, 11 մետ.)

ԱՐՍԵՆԱԼ՝ Ալմունիա, Սանյա (Ուոլկոտ, 68), Վերմալեն, Գալաս (Դենիլսոն, 45), Կլիշի, Ֆաբրեգաս, Ա.Սոնգ, Դիաբի, Նասրի, Բենդտներ, Արշավին (Էբուե, 27)

ԲԱՐՍԵԼՈՆԱ՝ Վալդես, Դ. Ալվեշ, Պույոլ, Պիկե, Մաքսվելլ, Ս. Կեյտա, Բուսկետս, Չավի, Մեսսի (Միլիտո, 88), Իբրահիմովիչ (Անրի, 78), Պեդրո։

Զգուշացումներ՝ Արշավին (21), Ա.Սոնգ (41), Ֆաբրեգաս (44), Պիկե (73),Էբուե (75), Դիաբի (80)։

Հեռացում՝ Պույոլ (85)։

Վախեցիր, "Մանչեսթեր"

desperado — Tue, 30 Mar 2010 05:33:49 GMT

«Բավարիայի» գլխավոր մարզիչ Լուի վան Գալը՝ Չեմպիոնների Լիգայի քառորդ եզրափակիչի «Մանչեսթեր Յունայթեդի » հետ հանդիպումից առաջ փորձել է հավատ ներշնչել սեփական ֆուտբոլիստներին՝ սեփական ուժերի հանդեպ ու թեթևակի նյարդայնացնել մրցակցին։
«Ես երբեք ոչ ոքից չեմ վախեցել, և իմ ֆուտբոլիստները նույնպես չպետք է վախենան։ Մենք հասկանում ենք, որ Ռունին սուպերֆուտբոլիստ է։ Չնայած, երբ նա ավելի երիտասարդ էր, ես մտածում էի, ունի՞ նա արդյոք խաղի իր պատկերացումը ընդհանրապես...
Նա մեծ առաջընթաց է գրանցել, և հիմա շատ ծանր է նրան խաղից անջատել։ Բայց մենք կարող ենք լավ արդյունքի հասնել. մենք նույնպես ուժեղ կողմեր ունենք։ Ֆերգյուսոնն ու իր ֆուտբոլիստները թո՛ղ մեզանից վախենան», - հոլանդացի մասնագետի խոսքերը մեջբերում է Manchester Evening News-ը։