|
Главная » 2010 » Март » 17 » Չելսին լքում է ՉԼ-ն
13:50 Չելսին լքում է ՉԼ-ն |
Ժոզե Մոուրինյոյի վերադարձը «Սթեմֆորդ Բրիջ» մարզադաշտ ավելի քան հաջող ստացվեց: Սամուել Էտո´ոյի գոլի շնորհիվ «Ինտերն» առավելության հասավ նաև Լոնդոնի «Չելսիի» հետ երկրորդ խաղում: Պորտուգալացի մասնագետը շատ էր ցանկանում հաղթել հենց իր համար ժամանակին շատ հարազատ ստադիոնում և նա կատարեց իր խոստումը: Առաջին կեսում ավելի շատ ժամանակ հատկացնելով պաշտպանական գործուղություններին` երկրորդում «նեռաձուրին» օգտագործեցին արդյունքի հասնելու իրենց ռեալ հնարավորություններից մեկը: «Չելսին» շատ ակտիվ էր առաջին կեսում: Եվ եթե Ժուլիո Սեզարին անհագստացնել հաճախ չէր հաջողվում, ապա ողջ պաշտպանությունը ստիպված էր քրտնաջան աշխատել ողջ 45 րոպեի ընթացքում: Դրոգբան, Անելկան, Մալուդան ու տղաները ոչ ստանդարտ գործողություններով անընդհատ փորձում էին անակնկալի բերել «իտալացիներին»: Չստացվեց: Ընդմիջումից հետո Մոուրինյոն հրամայեց իր զինվորներին խլել գնդակը, այն վերահսկել ու փորձել սպառնալ Թերնբուլի դարպասին: Մի քանի անգամ «Ինտերի» ֆուտբոլիստները վրիպեցին անչափ նպաստավոր դիրքերից, սակայն հանդիպման հիմնական ժամանակի ավարտից 12 րոպե առաջ Սամուել Էտո´ոն բաց չթողեց իր շանսը: Փրկվելու ժամանակ այլևս չկար: Վերջում տեղի տվեցին Դիդյե Դրոգբայի նյարդերը: Նա հեռացվեց, բայց դա արդեն էական չէր: Մոուրինյոն փայլուն կատարեց իր առջև դրված խնդիրը` երկու անընդմեջ հաղթանակ տանելով իր նախկին թիմի նկատմամբ: Նրան «Սթեմֆորդ Բրիջում» հիշում են և հարգում: Նա, ինչպես և խոստացել էր, շատ զուս տոնեց իր հաղթանակը: Մոուրինյոն շարունակում է պայքարը, իսկ «Չելսին» հրաժեշտ տալիս մրցաշարին: Մինչ նոր հանդիպում:
Լոնդոն, «Սթեմֆորդ Բրիջ» մարզադաշտ «ՉԵԼՍԻ» (ԱՆԳԼԻԱ) - «ԻՆՏԵՐ» (ԻՏԱԼԻԱ)` 0:1
Գոլ` 0:1 - Էտո´Օ (78)
«Չելսի»` Թերնբուլ, Իվանովիչ, Տերի, Ալեքս, Ժիրկով (Կալու, 73), Բալակ (Ջ.Քոուլ, 62), Միկել, Լեմպարդ, Մալուդա, Անելկա, Դրոգբա:
«Ինտեր» `Սեզար,Մայկոն, Սամուել, Լուսիո, Ձանետի, Կամբյասո, Սնեյդեր (Մարիգա, 85), Մոտտա (Մատերացի, 90), Պանդև (Ստանկովիչ, 75), Էտո´ո, Միլիտո:
Զգուշացումներ` Էտո´ո (17), Մոտտա (48), Լուսիո (54), Մալուդա (55), Դրոգբա (57), Սեզար (82), Ալեքս (83), Տերի (89):
Հեռացում` Դրոգբա (86):
Առաջին խաղը` 1:2
|
Категория: Europeanfootball |
Просмотров: 310 |
Добавил: desperado
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]
|
|
|