Արգենտինական «Նյուելզ Օլդ Բոյզի» ուրուգվայահայ հարձակվող Խոակին Բոգոսյանը մինչև այս մրցաշրջանի ավարտը հանդես կգա կատալոնական «Էսպանյոլում»: Ակումբի գլխավոր մարզիչ, արգենտինացի Մաուրիսիո Պոկետինյոն բարձր է գնահատել Բոգոսյանի որակները, և արդեն վաղը Խոակինը կմեկնի Բարսելոնա։ Այս մասին հայտնում է Elespanyol.com-ը։
Բոգոյի համար «Էսպանյոլը» «Նյուելզին» պետք է վճարի 400.000 եվրո։
Նշենք նաև, որ, հրատարակության համաձայն, Բոգոսյանի ծառայություններով հետաքրքրվում էր նաև «Լիվերպուլը», որն ավելի մեծ հնարավորություն ուներ բարձրահասակ հարձակվողին հրավիրել իր մոտ։ Սակայն Ռաֆա Բենիտեսը առաջարկել է սպասել մինչև ամառ, որպեսզի Բոգոսյանը «Էսպանյոլում» կարողանա հարմարվել եվրոպական ֆուտբոլին։
Բոգոսյանը վաղը գիշերը կլինի Բարսելոնայում և կներկայացվի որպես «Էսպանյոլի» ֆուտբոլիստ շաբաթ կամ կիրակի։ Հենց կիրակի էլ ակումբը պաշտոնապես պայմանագիր կստորագրի Խոակինի հետ:
|