|
Главная » 2010 » Март » 17 » "ԲԿՄԱ"-ն անցնում է առաջ
13:55 "ԲԿՄԱ"-ն անցնում է առաջ |
Բանակայինների ճապոնացի լեգիոներ Կեյսուկե Հոնդայի ոչ այդքան վտանգավոր հարվածից և անդալուսիացիների դարպասապահ Անդրես Պալոպի սխալից հետո Ռուսաստանն ունեցավ ներկայացուցիչ եվրոպական ակումբային ամենահեղինակավոր մրցաշարի քառորդ եզրափակիչում: Մոսկվայի ԲԿՄԱ-ն արեց անհնարինը` հաղթեց «Ռամոն Սանչես Պիսխուան» մարզադաշտում «Սևիլիային»: Ռուսները կարողացան օգտագործել իրենց հնարավորություններն, իսկ իսպանացիները` ոչ: Չօգնեցին ո′չ Մանոլո Խիմենեսի փոխարինումները, ո′չ երկրպագուները և ո′չ էլ Լուիս Ֆաբիանոյի առկայությունը խաղադաշտում: ԲԿՄԱ-ն ավելի ուժեղ գտնվեց «Սևիլիայից» և առաջին անգամ պատմության ընթացքում նվաճեց Չեմպիոնների Լիգայի ¼-րդ եզրափակիչի ուղեգիրը: Առաջին կեսի վերջնամասում Տոմաշ Նեցիդը, ստանալով գնդակը խաղընկերոջից, մեկ շարժումով շրջանցեց Ֆեդերիկո Ֆասիոյին ու այնպես հարվածեց, որ Պալոպը չկարողացավ օգնել իր թիմին: Ճիշտ է` շատ արագ «Սևիլիան» վերականգնեց հավասարակշռությունը. Երկար փոխանցում, պաշտպանները սխալվում են, Խեսուս Նավասը փոխանցում է, իսկ Դիեգո Պերոտին դիպուկ հարվածում: Հանդիպման վճռորոշ պահը տեղի ունեցավ 55-րդ րոպեին, երբ Հոնդայի` տուգանայինից կատարած հարվածն այնքան տարօրինակ կորագծով ընթացավ, որ Պալոպը խառնվեց իրար ու գնդակն ուղարկեց սեփական դարպասը: Մնացած ժամանակահատվածում Մանոլո Խիմեսի թիմը փրկել դրությունը չկարողացավ: Խոստովանենք, որ դա դժվար էր անել, քանզի հաջորդ փուլ անցնելու համար տանտերերին անհրաժեշտ է առնվազն երկու անգամ ստիպել Ակինֆեևին գնդակը հանել ցանցից:
Սևիլիա, «Ռամոն Սանչես Պիսխուան» մարզադաշտ «ՍԵՎԻԼԻԱ» (ԻՍՊԱՆԻԱ) - ԲԿՄԱ (ՌՈՒՍԱՍՏԱՆ)` 1:2
Գոլերը` 0:1 - Նեցիդ (39), 1:1 - Պերոտի (41), 1:2 - Հոնդա (55)
«Սևիլիա»` Պալոպ, Ստանկյավիչյուս, Ֆասիո, Դրագուտինովիչ, Նավարո (Կորեյա, 75), Ռենատո (Նեգրեդո, 70), Զոկորա, Նավաս, Պերոտի, Կապել (Կանուտե, 46), Ֆաբիանո
ԲԿՄԱ` Ակինֆեև, Վ. Բերեզուցկի, Իգնաշևիչ, Ա. Բերեզուցկի, Շչեննիկով, Ալդոնին, Շեմբերաս, Կրասիչ (Օդիա, 72), Հոնդա (Ռախիմիչ, 82), Գոնսալես (Մամաև, 87), Նեցիդ
Զգուշացումներ` Ա. Բերեզուցկի (20), Ֆաբիանո (52), Շչեննիկով (61), Գոնսալես (70), Շեմբերաս (71)
Առաջին խաղը` 1:1
|
Категория: Europeanfootball |
Просмотров: 330 |
Добавил: desperado
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]
|
|
|